«Діни сауатсыздықтың қоғамға әсері»
Тақырыбы:
«Діни сауатсыздықтың қоғамға әсері»
Мақсаты: Оқушыларға экстремизм, терроризм туралы терең түсінік беру,оның түрлері, себептері мен зардаптарын ұғындыру
Өтілу түрі: пікірлесу
Өтілетін жері: Акт залы
Кіріспе: Құрметті қонақтар мен оқушылар!
Бүгін сіздер «Діни сауатсыздықтың қоғамға әсері» тақырыбындағы пікірлесуге қош келдіңіздер!
Мақсаты: Оқушыларға экстремизм, терроризм туралы терең түсінік беру,оның түрлері, себептері мен зардаптарын ұғындыру
Елбасымыз Н.Ә.Назарбаев «Біз тегіміз-түрік, дініміз-ислам екенін ұмытпауымыз керек»- деп дінімізді берік сақтауымыз қажет екендігіне айрықша назар аударған.
Дін тарихының тамыры тереңде екендігі белгілі. Діннің адамзатқа пайдасы ұшан теңіз. Сондықтан бүкіл адамзаттың дінге деген сенімін пайдалана отырып,әртүрлі кертартпа мақсатқа пайдаланушылар көбейіп кеткендігі баршамызға аян.
Ендеше, мына бір көрініске назар аударыңыздар.
Көріністен кейін:
Экстремизм деген латын сөзі «ең соңғы,ақырғы,төтенше,шеттеу» яғни орталықтан ауытқу, тәртіпке бағынбау,өз пікірімен ғана іс-әрекет жасаушы деген ұғымды білдіреді. Экстремизм мүшелері көздеген мақсаттарына жету үшінешнарседен қаймықпайды. Тіпті өздерін құрбан етуге әзір. Осылайша күш,қару қолдану және заңдар сенім-нанымдарды аяққа таптап,дін атынбүркемелеп, діттегендеріне жетуге тырысады. Қаншама қандас бауырларымыз діни сауатсыздықтың,рухани дүниенің таяздығы салдарынан осы теріс ағымдардың қол-шоқпары бола, солардың жыртысын жыртып,сойылын сойып жүр. Әрине,экстремизмнің түрлерінің бәрі бәрі-терроризм,расизм,этноцид,геноцид-бәрі де күш қолдануға сүйенген. Экстремизмнің бүгінгі таңда кең тараған түрі-терроризм. Латын сөзінен-қорқыныш,үрей деген мағына береді.Терроризм араб тілінен қорқыту, дегенді білдіреді. Олар өз мүдделерін жүзеге асыру үшін небір озбыр әрекеттерге барады. Билік пен байлыққа қол жеткізу үшін ештеңеден тайсалмайды. Билікті орнынан кетіріп,дінді сылтау етіп,адамдар өміріне қауіп ұялатады. Қоғам арасында алауыздықты тудырып, тыныштықты бұзады. Осыған дәлел өздерің көрген қойылым.
Оқушылар өз ойларын айтады:
-діни секталардың таралуы;
- ашық дипломатиялық саясатымызды пайдаланып,заңсыз секталардың енуі;
-18-30 жас аралығындағы ешқандай діни, саяси,қоғамдық пікірі қалыптаспаған, имандылық,патриоттық сезімдері жетілмеген жастар барады.
-террористік іс-әрекетке тек ер адамдар емес, әйел адамдар да барады. Қазіргі кезде жанкешті-мерген әйел адамдардың көбеюі байқалады.
Міне өздеріңіз көрген қойылымнан қандай әсер алдыңдар?
Әсіресе басты рөлде ойнаған оқушымыз Нұрсұлтаннан сұрап көрсек.
Осы рөлде ойнағанда сен қандай әсерде болдың? Қандай ой түйіндедің?
Бүгінгі сабағымызға қатысушы басқа да оқушылар сіздер қандай пікір білдіресіздер?
Қорытынды.
Мұғалім: Құрметті қонақтар,ұстаздар.Бүгінгі қозғаған мәселе 40 минут ішінде шешілмейтіндігі анық. Сондықтан мен ойлаймын бүгінгі пікірлесу осы өзекті мәселенің алдын алу шарасының бірі болды деп есептеймін.
Әрбір азамат қоғам тыныштығы үшін діни экстремизмге табанды түрде қарсы тұруы тиіс. Қазақ халқы ертеден-ақ бірліктің,ынтымақтың маңызын жете түсінген. Бабаларымыздан өсиет болып бізге жеткен « бақ қайда барасың? Ынтымағы мен бірлігі жарасқан елге барамын » деген қанатты сөз бүгінгі күн ішінде өз маңызын жойған жоқ.
Елбасымыздың «әлеуметтік экономикалық жаңғырту-Қазақстан дамуының басты бағыты» атты жолдауында бізге сөз еткен ұғымдардың ерекше аталып өтуі тегін емес. Сондықтан бәріміз қастерлі тәуелсіздіктің нығаюы үшін,елімізде ұлтаралық және дінаралық татулықтың сақталуы үшін бір кісідей атсалысайық. Бірлігіміз бекем,тәуелсіздігіміз баянды болсын деп өз сөзімді аяқтағым келеді.